ILS PROTAGONISTS
Paula Nay, redactura e producenta RTR Tschertgà, chattà e visità
Rumantschas e Rumantschs datti quasi sin l'entir mund. Per il project DA LUNSCH DAVENT - Rumantschs a l'ester, hai jau chattà passa 200 persunas ch'han bandunà nos pajais e vivan uss insanua e l'ester. Trais persunas hai jau visità questa stad: Sandra Demonti, Reto Camichel e René Hüssy. Tuts trais èn emigrads pervia da lur lavur. Tgi ha gia realisà il siemi professiunal e tgi è anc a l'entschatta. Insatge han els communabel: Tar tuts trais è bler sa midà l'ultim temp.
Nua exact che questas trais persunas en da chasa e nua ch'i dat uschiglio anc Rumantschs, vesais Vus sin la charta mundiala a la fin da questa reportascha multimediala.
Nua exact che questas trais persunas en da chasa e nua ch'i dat uschiglio anc Rumantschs, vesais Vus sin la charta mundiala a la fin da questa reportascha multimediala.
Ceningan / Bali SANDRA DEMONTI Zuoz, 32 onns, scolasta da sfunsar
Sandra Demonti veva en il senn da far il studi da turissem a Cuira. Avant ch'entschaiver è ella ida en l'Australia per emprender englais. Là è ella ida a sfunsar ed è immediat stada intgantada. Il studi da turissem è spert stà emblidà. Sandra ha fatg ils examens sco scolasta da sfunsar ed ha lavurà en Tailanda, Ecuador e Honduras. L'enviern turnava ella mintgamai en l'Engiadina per dar scola da skis. Il 2012 è ella emigrada a Bali, in'insla en l'Indonesia. La stad 2015 ha ella avert ensemen cun ses spus e dus collegas in ressort da vacanzas ed ina scola da sfunsar sin l'insla Ceningan sper Bali.
Kalk Bay / Africa da Sid RETO CAMICHEL S-chanf, 47 onns, hair and make-up artist
"La vita ais cuorta, far prescha nut renda" - quests pleds ha Reto Camichel laschà tetovar sin sia bratscha. Quai è la scursanida d'in versin scrit sin ina chasa en l'Engiadin'Ota ed il motto da Reto Camichel. Cun 20 onns ha el survegnì l'offerta dad ir en l'Africa dal Sid a lavurar tar in coiffeur svizzer. Ils emprims trais mais ha el bragì mintga saira. Ma lura ha el cumenzà sia carriera. El ha manà 7 salons da coiffeur a Kapstadt e conturn. Dacurt ha el avert ses nov salon en sia chasa sper la mar a Kalk Bay, nua ch'el viva cun sia dunna Mandakini e lur figlia Indigo Luna.
Niagara-on-the-Lake / CanadaRENÉ HÜSSYTujetsch, 36 onns, pilot da helicopter
Sco buob da set onns è René sgulà l'emprima giada cun helicopter. Gia là èsi stà cler ch'el vul daventar in di pilot da helicopter. Suenter l'emprendissadi da mecanist e las emprimas experientschas sco pilot en Svizra, è el ì a Canada.
Il motiv: là èsi pli favuraivel da far la scolaziun da pilot e pli simpel da chattar in job. Igl era planisà da star trais onns. Oz, indesch onns pli tard, è el schefpilot e schef dal manaschi da sgular da la firma, che astga sgular il pli datiers da las cascadas "Niagara Falls". L'ultim temp hai dà midadas en la vita dal Sursilvan che ha il pass canadais.
Il motiv: là èsi pli favuraivel da far la scolaziun da pilot e pli simpel da chattar in job. Igl era planisà da star trais onns. Oz, indesch onns pli tard, è el schefpilot e schef dal manaschi da sgular da la firma, che astga sgular il pli datiers da las cascadas "Niagara Falls". L'ultim temp hai dà midadas en la vita dal Sursilvan che ha il pass canadais.
MIDADAS E NOVAZIUNS
Zum AnfangDAPLI CHE MO IN JOB
DAPLI CHE MO IN JOB
Ella era gnervusa perquai ch'ella na saveva betg tge che capita là, blers meters sut l'aua. Uschia sa sentiva Sandra Demonti avant ch'ella è ida l'emprima giada a sfunsar. Ella ha surmuntà la tema ed è dapi quella giada fascinada dal mund sut l'aua. René Hüssy è sgulà entaifer circa 10 onns bunamain 7'500 uras. Quai è circa in onn di e notg en il helicopter. Tar la partenza ha el anc adina in sentiment spezial en il venter. Reto Camichel vul viver mintga di uschè creativ sco pussaivel. El n'è betg mo coiffeur en ses salon, mabain dat curs da coiffeur sin l'entir mund. Sia gronda passiun èn las shows sin tribuna.
FAMIGLIA, COLLAVURATURAS E CLIENTELLA
S'INAMURADS A L'ESTER
Sper la lavur ha è l'amur motivà René Hüssy, Reto Camichel e Sandra Demonti d'emigrar. Tuts trais han emprendì d'enconuscher lur partenaris en la nova patria. Il mix da culturas saja interessants, el possia dentant era esser ina sfida mintgatant. La lingua materna vegn magari in tec a la curta. Dar vinavant il rumantsch a lur uffants en in ambient dal tuttafatg different para d'esser difficil.
Illuh, lavura en la cuschina dal ressort Ceningan"SANDRA È AMIAIVLA"
Illuh lavurava en quest ressort gia avant che Sandra e ses collegas han cumprà el. Cun ils novs possessurs saja bler sa midà. Ella gudogna dapli e la cuschina saja meglra e pli gronda. La giuvna da 25 onns fa ina sort emprendissadi da trais mains. Suenter vegni decidì sch'ella po star vinavant. Ella spera da pudair lavurar vinavant en ina cuschina sin l'insla Ceningan. Quai saja sia patria ed ella na veglia betg ir davent.
Anna, directura generala Niagara Helicopters"RENÉ È FITG ORGANISÀ"
"René è exact la persuna ch'ins dovra en questa posiziun", di Anna. René è schef-pilot e schef dal manaschi da helicopters. Avant ch'el ha cumenzà, eran quests dus jobs separads. Sco schef dal manaschi è el responsabel per tut ils documents e reglaments dals helicopters. El sappia organisar fitg bain ed haja in dun per la tecnica. "René imitescha gugent persunas. Quai è fitg legher. Uschiglioc è el plitost ruassaivel e suveran. Sia famiglia ha per el emprima prioritad."
Teresa, dapi 7 onns clienta e fan da Reto "RETO È UNIC"
Cur ch'ella saja emigrada da l'Irlanda en l'Africa dal Sid, haja ella stuì tschertgar ditg fin ch'ella haja chattà in coiffeur adattà. Teresa n'ha betg stuì dir bler, Reto saveva tge che sia clienta vuleva. Il 2010 ha Teresa survegnì la diagnosa cancer. Ella ha stuì far ina terapia ed ha pers blers chavels. Reto haja gidà da tschertgar ina perucca e saja stà in grond agid en quest temp difficil. Ella na laschass betg pli tagliar insatgi auter ses chavels. Reto saja in artist, simplamain unic.
IL MINTGADI A L'ESTER
IL MINTGADI A L'ESTER
Avant bunamain 30 onns ha Reto Camichel bandunà l'Engiadina cun l'idea da lavurar sco coiffeur en la metropola Kapstadt. Ma lura il schoc: sia plazza era a Fish Hoek, in vitget 30 kilometers sper Kapstadt. Oz viva el gist dasperas, a Kalk Bay. Cur ch'el ha liber va el gugent en il vitg a giudair l'atmosfera speziala. Sin l'insla Ceningan a Bali na datti bunamain nagins autos. Perquai va Sandra Demonti cun il moped a far cumissiuns. E mintgatant datti surpresas en il vitg. Era il mintgadi da René Hüssy è varià ed il program è savens plain. Sia partenaria lavura era ed uschia ston els organisar bain, tgi che guarda cura dals uffants.
CHARTA INTERACTIVA
Zum Anfang
Scrollen, um weiterzulesen
Wischen, um weiterzulesen
Wischen, um Text einzublenden
Tschertgà, chattà e visità
SANDRA DEMONTI
RETO CAMICHEL
RENÉ HÜSSY
Midadas e novaziuns
DAPLI CHE MO IN JOB
Circa 25'000 ga
Adina insatge nov
S'INAMURADS A L'ESTER
La famiglia
"SANDRA È AMIAIVLA"
"RENÉ È FITG ORGANISÀ"
"RETO È UNIC"
IL MINTGADI A L'ESTER
René sco houseman
Tradiziuns da l'Indonseisa
In vitg artistic
206 RUMANTSCHS
Tschertgà, chattà e visità
SANDRA DEMONTI
RETO CAMICHEL
RENÉ HÜSSY
Midadas e novaziuns
DAPLI CHE MO IN JOB
Circa 25'000 ga
Adina insatge nov
S'INAMURADS A L'ESTER
La famiglia
"SANDRA È AMIAIVLA"
"RENÉ È FITG ORGANISÀ"
"RETO È UNIC"
IL MINTGADI A L'ESTER
René sco houseman
Tradiziuns da l'Indonseisa
In vitg artistic
206 RUMANTSCHS