Cun passiun per la professiunLas populaziuns dals peschs dovran sustegn
Il november è il mais ch'il survegliader da pestga Linard Jäger sa deditgescha ensemen cun differents guardiaselvaschina a la generaziun giuvna dals peschs. Il november è il mument che las forellas fregan en ils lais ubain en ils aualets laterals en l'Engiadin’Ota.
La pestga da frega il november
Perquai ch'i dat memia paucs lieus da frega, giessan blers ovs dals peschs a perder – e da quai profiteschan ils responsabels. I dat duas differentas metodas per la pestga da frega.
U cun la rait, sco qua sin il Lej da Segl...
U cun la rait, sco qua sin il Lej da Segl...
Stritgar ora ils ovs
La pestga da frega, quella dura circa in mais. Ils peschs vegnan purtads immediat en la piscicultura. Tar las forellas madiras, ch'han in venter lom, vegnan stritgads ora ils ovs. Tut en tut dovra Linard Jäger circa 400’000-450’000 ovs da las forellas per garantir ina generaziun ferma da las forellas.
Vegnir or da l'ovIl favrer è arrivà il temp per laschar vegnir ils peschs or dals ovs.
Perquai piglia Linard Jäger ils ovs or dal incubatur e metta quels en aua dad 8 grads. Quella temperatura lascha nascher ils peschins. Ils peschins pitschens naschan cun in satg da nutrider, els na dovran per ils proxims 30 dis nagina pavel.
Blers peschs han fadia da surviver en la natira, causa che l’uman nizzegia memia ferm las auas natiralas, saja quai cun il livel dad aua che variescha, perquai che differents auals vegnan tratgs a niz memia ferm, ubain era pervi da la pestga. L’allevament da peschs è in factur impurtant per las populaziuns dals peschs en l'Engiadina.
Scrollar engiu per continuar
Swipe to continue
Far vi e nà cun il det per cuntinuar
Las populaziuns dals peschs dovran sustegn
La pestga da frega il november
Stritgar ora ils ovs
Vegnir or da l'ov
