Avis

Questa istorgia multimediala ha videos cun audio. Guardai d'avair activà Voss autpledaders!

Duvrar la roda sin la mieur u las frizzas sin la tastatura per navigar tranter las paginas.

Far vi e nà cun il det per navigar tranter paginas

Giaini!

RTR a Lourdes

Logo https://rtr-story.pageflow.io/rtr-a-lourdes

Carmen Monn e Petra Rothmund èn stadas var in'emna a Lourdes. Il lieu da pelegrinadi en las Pireneas, nua che Nossadunna duai esser cumparida pliras giadas a sontga Bernadetta.
Ir a l'emprima pagina
Igl è sta ils 11 da favrer 1858 cura ch’il mund d’ina matta da Lourdes duai esser sa midada per adina. Ella è stada la figlia da muliners plitost povers, na saveva betg scriver ed era in pau maladitscha cun sia asma. Tuttina ha ella midà il destin dad in'entira regiun. Ses num: Bernadette Soubirous.

Cun il destin da la matta duai avair midà quel onn er il qual da la citad da Lourdes. Tenor il mitus ha la matta da 14 onns numnadamain vis en ina grotta cun il num Massabielle, datiers da la citad da Lourdes, la Nossadunna – e quai betg be ina giada, mabain 18 giadas entaifer in mez onn. En las visiuns supplitgescha Nossadunna da stgavar en la grotta, uschia ch'ina funtauna è vegnida libra.

Dapli da l'istorgia da Lourdes chattais Vus qua.
Ir a l'emprima pagina

Bunamain 1'000 pelegrinas e pelegrins svizzers èn stads durant l'emna da pelegrinadi a Lourdes. Cun quest sgol, ils 28 d'avrigl, èn var 200 sgulads en il lieu en il sid da la Frantscha. In viadi dad in'ura e mesa cun aviun. E tranter els era bleras rumantschas e rumantschs.

Atgnamain na sa differenziescha la gruppa da pelegrins e pelegrinas svizras betg grond dals auters viagiaturs. Dentant, insatge è schon in zic auter: Per l'ina è la media da vegliadetgna probabel in zic pli auta e per l'autra sesan intgins en sutga cun rodas, enturn els las gidantras ed ils gidanters che portan ina vesta melna.

Lourdes è numnadamain il lieu da pelegrinadi dals malsauns. Tuttas persunas duain pudair visitar quest lieu – gist tuttina sch'ellas dovran bler sustegn, èn veglias u han in impediment. E quai dovra ina bun'organisaziun e bleras persunas che sa gidan.
Ir a l'emprima pagina
0:00
/
0:00
Laschar ir l'audio uss
Il plaschair da pudair ir a Lourdes è da sentir tar in e scadin. Tar quels che van per l'emprima giada, dentant era tar ils rutinads. Quest lieu para d'avair ina muntada speziala per bleras e blers.

Ir a l'emprima pagina

0:00
/
0:00
Laschar ir l'audio uss
Nossadunna vesan ins dapertut a Lourdes. Questa statua per exempel, vegn purtada la saira tar la processiun da la glisch.

Ir a l'emprima pagina
0:00
/
0:00
Laschar ir video uss
Mintga saira a las 21:00 entschaiva la processiun da la glisch sin il plaz davant la baselgia da Nossadunna. Questa attracziun è fitg populara tar pelegrinas e pelegrins da tut il mund.

Ir a l'emprima pagina

0:00
/
0:00
Laschar ir l'audio uss
Era il rumantsch è represchentà a Lourdes. I dat ina messa rumantscha, la via da la crusch vegn fatga per rumantsch e las pelegrinas e pelegrins s'entaupan adina puspè per chantar ed urar ensemen.

Ir a l'emprima pagina
0:00
/
0:00
Laschar ir l'audio uss
Maria Coray da Ruschein è quest onn per l'emprima giada a Lourdes. En auters lieus da pelegrinadi è ella dentant gia stada. Per exempel a Fatima en il Portugal ed al «Weltjugendtag» a Krakau ed en il Panama. La religiun è da grond'impurtanza per ella.

Ir a l'emprima pagina
Anna Helena Cavelti da Sagogn e Maria Barla Riedi da Sedrun èn dapi passa 30 onns gidantras a Lourdes. Ellas sa gidan en la cafetaria da «l'accueil».

«L'accueil» è l'alloschi dals pelegrins e da las pelegrinas pli flaivlas che dovran sustegn durant il temp a Lourdes. Savens èn quai persunas pli veglias u cun in impediment.
Ir a l'emprima pagina
0:00
/
0:00
Laschar ir l'audio uss
La cafetaria è averta per tuts pelegrins e pelegrinas. Blers Svizzers e Svizras vegnan qua per baiver café u mangiar in toc petta.

Il lieu da lavur dad Anna Helena Cavelti e Maria Barla Riedi è sin la terza auzada dal grond bajetg che ha plaz per radund 800 persunas. Da la Svizra vegnan circa 80 dad ellas. 

Ir a l'emprima pagina

Las pelegrinas ed ils pelegrins vegnan da manaivel e da lunsch. Cun tren, bus u aviun per guardar il lieu nua che Nossadunna duai esser cumparida a sontga Bernadetta. Uschia era questas duas giuvnas cun num Maria. Ellas derivan da las Filippinas.
Ir a l'emprima pagina
0:00
/
0:00
Laschar ir l'audio uss
Era la famiglia da Conzeta (segunda da dretg) vegn adina puspè a Lourdes.
Ella deriva da l'India ed abitescha en la Norvegia. Las dunnas prendan gugent cun ellas l'aua benedida che duai derivar directamain da la grotta da Nossadunna.

Ir a l'emprima pagina

Tgi che pensa che Lourdes haja be attracziuns religiusas sco baselgias, lez sbaglia. Enturn il center, il cor da Lourdes, stat ina stizun da souvenir sper l'autra.

Là chattan ins tut quai ch'ins po be s’imaginar – simplamain cun si il maletg da Nossadunna e scrit si Lourdes.

Ir a l'emprima pagina
Ina che venda quests souvenirs è Sabine. Ella di ch'il turissem saja fitg impurtant per Lourdes e per l'entira regiun. Senza il lieu da pelegrinadi fissan bleras persunas dischoccupadas, manegia la vendidra.
Ir a l'emprima pagina
0:00
/
0:00
Laschar ir l'audio uss
Sper souvenirs religius datti era da quels per la bucca. Per exempel tar Frédéric che venda chaschiel, schambun, vin ed autras spezialitads regiunalas en sia pitschna stizun. Insumma datti blers cafés, bars ed ustarias enturn il center da Lourdes.

Ir a l'emprima pagina

0:00
/
0:00
Laschar ir l'audio uss
Suenter tschintg dis din las duas redacturas Carmen Monn e Petra Rothmund adia al lieu da pelegrinadi en il sid da la Frantscha.

Ir a l'emprima pagina
Scrollar engiu per continuar Swipe to continue
Far vi e nà cun il det per cuntinuar