tun activà
SI D'ALP
La seria da RTR en trais parts «Si d'alp» accumpogna in'entira stad duas pasturas e dus pasturs sin trais alps sur Breil. Solitariamain e cun pauc confort s'occupan els da tschients animals, fan frunt a vent ed aura e surpiglian responsabladad da tuttas uras. Igl è in purtret impressiunant da persunas che sa decidan sapientivamain per ina vita en las muntognas.
Pasturas e pasturs
Andrea ed Alois
L'emprima stad si d'alp, passa 140 vatgas e nundumbraivlas sfidas: Andrea Tschumper ed Alois Dudli entran en nov territori sin l'Alp Quader. Il giuven pèr dal chantun da Son Gagl baratta il mintgadi usità cun ina vita aut si en las muntognas e scuvra pass per pass tge ch'i vul dir da purtar responsabladad da di e da notg.
Jau hai gì in sentiment dischagreabel, sche jau sai tut quai.
Andrea Tschumper
tun activà
Kaja ed Otmar
Otmar Cadruvi enconuscha la vita d'alp sco paucs auters. Atgnamain aveva el serrà giu quest chapitel per el. Ma suenter in mortori surpiglia el a curta vista l'alp Tschegn Dadens. Ensemen cun Kaja, sia chogna fidaivla, returna el en in lieu che n'ha mai laschà liber el dal tut.
Kaja! Chau poppa pitschna! Ella sa legra fitg da vegnir cun mai.
Otmar Cadruvi
tun activà
Alexa
Per Alexa Albrecht datti la stad be in lieu, nua ch'ella vul esser: sin l'Alp Nova. Tranter animals, muntognas ed il ritmus da la natira chatta ella exact quai ch'è impurtant per ella. L'alp è per ella bler dapli ch'ina plazza da lavur. Ella signifitga per ella patria, libertad e passiun enina.
Mias chauras èn ils emprims animals che jau hai sez. Quai è stà ina finamira. Jau vess il pli gugent vatgas ed anc dapli. Il pli gugent fiss jau pura, lura pudess jau far l'entir onn quai che jau fatsch il pli gugent.
Alexa Albrecht
tun activà
Quatter persunas, quatter differentas istorgias ed ina stad communabla en las muntognas. «Si d'alp» las accumpogna tras auts e bass dal mintgadi d'alp e mussa l'economia d'alp grischuna or d'ina perspectiva persunala. Ina seria davart responsabladad, coesiun e la colliaziun speziala tranter uman, animal e natira.
Behind the scenes
Stgargiada spectaculara
Il punct culminant emoziunal da la docuseria «Si d'alp» ha lieu sonda, ils 12 da settember: Aspectaturas ed aspectaturs pon guardar la stgargiada tradiziunala a Breil ed inscuntrar anc ina giada ils pasturs e las pasturas accumpagnads l'entira stad si d'alp e quai live via Play RTR. Passa 600 animals da tschintg alps turnan communablamain en la val e fineschan uschia la stagiun d'alp en Surselva.